А1 падводзіць вынікі "Эка Двіж 2.0": больш за 16 тысяч мабільных прылад будуць перададзены на перапрацоўку

Гэтай восенню А1 запусціў новы сезон ініцыятывы «Эка Двіж 2.0» і прапанаваў беларусам перадаць старыя мабільныя прылады для іх наступнай бяспечнай утылізацыі ў абмен на ўдзел у розыгрышы пяці новых Apple iPhone 15. З 11 лістапада па 15 снежня больш за тры тысячы чалавек прынеслі ў крамы кампаніі па ўсёй краіне больш за 16 тысяч непатрэбных гаджэтаў.



Паклапаціцца аб экалогіі і атрымаць шанс выйграць адзін з пяці новых смартфонаў мог кожны, хто зарэгістраваўся на сайце re.a1.by, здаў у любую краму А1 свае старыя мабільныя тэлефоны, смартфоны, планшэты, смарт-гадзіннікі ці электронныя кнігі і абмяняў іх на коды для ўдзелу ў розыгрышы.

Найбольшая колькасць прылад была сабрана ў Мінску, Гомелі, Магілёве, Віцебску і Бабруйску. Па выніках розыгрышаў пяць шчасліўчыкаў з Рэчыцы, Мінска, Магілёва і Полацка сталі ўладальнікамі новых смартфонаў Apple iPhone 15. Вынікі розыгрышаў даступны на сайце экалагічнай ініцыятывы.

Усе сабраныя прылады будуць перададзены кампаніяй А1 на бяспечную ўтылізацыю.

Незалежна ад тэрмінаў правядзення рэкламных мерапрыемстваў у крамах кампаніі на пастаянная аснове дзейнічае ўласная сістэма збору мабільных прылад у адпаведнасці са стратэгіяй экалагічнага, сацыяльнага і карпаратыўнага кіравання (ESG). А1 працягвае працаваць над тым, каб зрабіць навакольнае асяроддзе больш устойлівым для будучых пакаленняў.